المنحوس منحوس ( ظريفه جداااااااااا )

المنحوس لأ بأه أنا تعبت خلاص جبت اخري مش قادر استحمل مش قااااااااادر. يا ربي اعمل ايه أولع في نفسي , ارمي روحي من الدور الميه و ستين و لا أضرب نفسي بالرصاص . انا عارف انتو اكيد مستغربين بتقولوا ماله المجنون ده . أكيد انتو فاكرني مثلا واحد مش لاقي ياكل ووراه كوم لحم بيصرف عليه أو واحد متخرج بقاله عشرين سنه و مش لاقي شغل أو ......أي حاجه. لكن الموضوع مش كده دي كلها مشاكل هايفه جدا , ايوه صدقوني انا مشكلتي أخطر بكتير , مشكلتي اني.. اني...منحوس لاااااااا متبصوليش كده , بتضحكو ا؟!نا كنت متاكد انكم مش حتحسو بي فعلا محدش قادر يحس بالنار اللي جوايه. يا جماعه النحس ده منغص علي حياتي خلاني كرهت الدنيا باللي فيها, عارفين المثل اللي بيقول "المنحوس منحوس و لو حطوا على راسه فانوس" انا متأكد ان اللي قال المثل ده كان قاصدني انا بالتحديد. انتوا مش مقتنعين بالكلام اللي بقولوا و عمالين تضحكو و تخبطو كف بكف طب استنوا ححكيلكم مواقف بسيطه جدا من اللي وقعت فيها و راضي حكمكم.اسمع منك ليه موقف (1) الامتحان قرب و الواحد اعصابه بايظه ويوم الامتحان يكرم المرء أو يهان و انا صراحه كنت خايف اهان. ذاكرت جامد أي و الله جامد جدااا. لكن من الزنقه كنت بضطر اسيب موضوع او موضوعين بالكتير من كل فرع و قلت لو جه حاجه من المواضيع اللي مش مذاكرها مش مشكله أحل الباقي . و دخلت الامتحان بكل ثقه و ياريتني مدخلته, لا لا مش ممكن ده كابوس كابوس مش ممكن مستحيل كل الأسئله جت من المواضيع اللي مذكرتهاش يا ربي و لا سؤال اعرفه . المهم قعدت اتفرج عللي حواليه و مش عارف أعمل ايه أضحك و لا ألطم..... لكن لا و ألف لا انا مش حستسلم أنا ححل و قعدت أالف أسئله من اللي ذاكرته وأجاوب و فضلت اكتب و اكتب لحد ما خلص المتحان و أنا لسه بكتب لدرجة ان المراقب شد مني الورقه تصورو. و خرجت من اللجنه و أنا على وشي ابتسامة رضا و سعاده لدرجة ان اصحابي افتكرو اني قفلت الامتحان ...قفلته آآآآه الا قفلته (المنحوس منحوس و لو حطو على راسه فانوس) موقف(2) ماينفعش الفراغ و الهيافه اللي احنا فيها ده لازم نعمل حاجه ايه كل يوم نخرج نتسكع في الشوارع و بعدين نقعد على أي قهوه لحد نص الليل. ايه الحياه دي . احنا لازم يكون لينا اي نشاط او هوايه مش كده برضه . المهم و احد صحبي كان مشترك في اسره من الاسر اللي ليها نشاطات في قصر الثقافه اللي جنبنا و كان مبسوط جدا" خلي بالكو من كلمة كان دي" فقلت اشترك معاه و رحت اول يوم و أنا مبسوط و سعيد جدا و مخي مليان بأفكار كتيره و أحلام كبيره ...لكن و اه من كلمة لكن , من اول يوم لي في الأسره و حياتكم من أول يوم دبت خناقات ومشاكل لرب السما بين الأعضاء , شتايم و اهانات و ضرب و محاضر في البوليس و طبعا مابقاش في أسره و اتبخرت الأحلام غير كمان ان صاحبي مقدرش ينسى اني كنت وش السعد و قال لي في وشي اني نحس و مارضيش يخدني معاه اي مكان تاني (المنحوس منحوس و لو حطو على راسه فانوس) موقف (3) انهارده المتش النائي بين الفريق اللي بشجعه و فريق كبير تاني . قررت انا و صاحبي" ده غير صاحبي اياه" ان احنا نروح و نشجع في الاستاد , رحنا و قعدنا نشجع و نهتف و نصقف لحد مالواحد جاع .و دروخ. المهم لاقيت صاحبي طلع حاجه حلوه من جيبه و قعد ياكل .انا طبعا كنت حموت من الجوع فطلبت منه حته و عيني حطلع عليها راح الله يسامحه هز دماغه يعني لا . رحت حاطت لساني جوه بؤي و قعدت اشجع و أنا متغاظ و جعان . المتش خلص و طبعا انتو توقعتم النتيجه من غير متكلم. الموضوع عدى لكن الغريبه ان بعد المتش حصل كذا موقف حيرني ,يعني مثلا لما رجعت البيت بابا بصلي بصه غريبه و قالي اخص الله يكسفك قلت في بالي معقول يكون ابوي افتكر ان نحسي هو اللي خسر الفريق؟ !. بس يا ريت الموضوع وقف على عند كده أنا كمان لاحظت ان اصحابي لما اكون معاهم يقعدوا بتهامزو و يتلامزو و يضحكو من تحت لتحت و غرقوني حاجات حلوه ,في الأول عملت نفسي مش واخد بالي لكن الموضوع زاد عن حده , ز عقت هو فييييييييييه اييييييييييه . فراح واحد من اصحابي الظراف خدني معاه البيت و قاللي حوريك حاجه لذيذه اوي , وصلنا البيت و قعدنا ,يا مسهل , المهم صاحبي قام و جاب شريط فيديو و قبل ميشغله بصلي بصه غريبه و قالي اوعى تخلي اللي حتشوفه دلوقتي يأثر عليك صراحه الدم فار في نفوخي و وشي احمر لاااااااااا انا مش بتاع الحاجات ديه استغفر الله العظيم انت فكرني ايه لا انا متربي أحسن تربيه و قعدت اديله في كلام و هو باصصلي و مستغرب و استناني لحد مخلصت الوصله بتاعتي و قام بهدوء و شغل الشريط. اوف انا اسف ده طلع متش كوره ,ايه ده دا المتش اللي كنت حاضره في الاستاد. ايه التهريج ده و كنت لسه حبدأ الوصله التانيه لكن ملحقتش لان المصيبه المره دي كانت فوق قدرتي على الاحتمال انا اتفضحت و كمان شفت فضيحتي بعنيا الكاميرا مان الله لا يسامحه صورني و انا بشحت الأكل من صاحبي و جابه و هو بيهز راسه, أودي وشي من الناس فين يعني حبكت حبكت اه يا دماغي هي الدنيا بتلف و لا أنا اللي بلف و لا صاحبي اللي بيلف و لا جايز ......طخ (المنحوس منحوس و لو حطو على راسه فانوس) شفتم بقى انا حياتي نحس في نحس ازاي طبعا في مواقف تانيه كتير اصعب و اصعب بس انا مش عاوز اطول عليكم بس قلت اشاركم همي اصل اناكنت عاوز....................ييييييييي... النور قطع يادي النحس (المنحوس منحوس و لو حطو على راسه فانوس) منقوله

ههههههههههههههههههههههه

شكرا ليكى يا روح قلبي

والله جميله اوى اوى اوى

اشكررك علي مواضيعك الرائعه

يعطيكى العافيه

تقبلي مرورى يا حبي