موضوع: شعبان عبد الرحيم فى حوار لا ينقصه الصراحه 26th مايو 2008, 2:45 pm
شعبان عبد الرحيم فى حوار لا ينقصه الصراحة - مفيش حراسة والحارس ربنا ومش حسيب شارون. - أنا مغنى وممثل واللى مش عاجبه يشرب من البحر.
حتى لو كنت قرأت كل المجلات الفنية التى تكتب عنه وحتى لو احترت فيما كتب عندما تكون الكاف قاف فى غير موضعها أو تكون الكلمة كلها فى غير موضعها أو تكون الإجابة بعيدة تماماً عن مضمون السؤال كل هذا لا يجعل الأمر عادياً عندما نتوقع أن نتحاور مع شخص قرأت عنه فى بعض المجلات أو تابعت أخباره . لكن يبقى أن الحوار معه مثل لونه الفنى له طعم خاص يجب أن تكون مستعداً حتى تتذوقه وغالباً ما يصعب تحديد هوية ما تذوقت إنه المطرب شعبان عبد الرحيم الذى باتت أخباره الشخصية قبل أعماله الفنية اكثر تناقلاً ، فإشاعة زواجه من وفاء عامر وطلاق زوجته أم أولاده وتهربه من الضرائب وخلافات مع بعض النجوم حول فيلمه " مواطن ومخبر وحرامى" وما يدور فى كواليس مسرحيته " دو رى مى فاصوليا" مع سمير غانم وأغانيه الجديدة وتعليقه على كل ما يقال كل هذا كان موضوع حوارانا مع شعبان عبد الرحيم فى هذه السطور. قاسم عبد الرحيم هو اسمه الحقيقى فى عزبة بلال بالشرابية ولد لأب مكوجى وأم فلاحة بسيطة وأربعة أشقاء كان أصغرهم . مع أنه حفظ الفاتحة وقصار السور على يد صاحب الكتاب الذى التحق به وكان يسمى " شيخ سيد" لكنه لم يستطيع تعلم القراءة والكتابة رغم ما كان يبديه هذا الشيخ من غلظة على كل من فى الكتاب. فى نفس الشقة الصغيرة التى ولد فيها تزوج اخوته الأربعة فتزوج هو أيضا من إحدى قريباته من بلدتهم الأصل بجوار المنصورة. التحق بالخدمة العسكرية عام 1975 وظل بها 6 سنوات لأنه تعود على الهروب والغياب ودخول السجن كعقاب
انجب من أم العيال كما يشير إليها "خميس" و"عبد الرحيم" و"سيد" و"عدوية" . بعد أن ضاق عليه واخواته بيت العائلة فى عزبة بلال . استقر قاسم فى بهتيم وتنقل بين عدد كبير من الغرف لعدم استطاعته سداد الأجرة ثم انتقل إلى ميت حلفا ليعمل فيها بجانب السكن "حداد مسلح" و" صبى نقاش" بالنهار و "مكوجى" بالليل وبدأ يغنى فى أفراح ميت حلفا واشتهر فى هذه الأفراح حتى تبناه أنور العسكرى ودربه على الغناء على طريقة المطرب الشعبى عبده الاسكندرانى . ثم تعرف على الملحن الشعبى وهبه الشاذلى الذى عرفه على سيد عبد اللطيف منتج بولاق الدكرور واتفق على أول البوم وكان من بين شروط الاتفاق تغيير اسم شعبان ليصبح من قاسم إلى شعبان وكان البوم " احمد حلمى أتجوز عايدة" وكان اجره على هذا الألبوم 500 جنيه وتعاقد على ألبومات أخرى وكان اجر شعبان يزيد بمعدل 500 جنيه فى الألبوم عن الذى يسبقه وكان البوم "كداب يا خيشة" ومن اجره فى هذه الألبومات اشترى شعبان قيراط ارض فى ميت حلفا بنى له بيت فى نصفه وزرع ما تبقى. وبفضل نقده لبعض الظواهر الاجتماعية وتعليقاته على باقى مطربى الساحة الفنية واستغلال نجاح أفلام عادل أمام فى إطلاق أسماء هذه الأفلام على ألبوماته مثل "سلام يا صاحبى" و وضع اسمه فى أفلام " شعبان فوق البركان" و" شعبان تحت الصفر" لكل هذا كان انتشار شعبان السريع فى الأوساط الشعبية بعدها اختفى فترة بسبب خلاف بينه وبين المنتج ليتصالحوا من جديد وبشروط جديدة أهمها اجر شعبان عن كل البوم وكان عربون التصالح سيارة هيونداى ثمنها 30 ألف جنيه مقابل ثلاث ألبومات هى "مابخافش" الذى غنى فيه عن البانجو والبوم " تفانين" والبوم " انسى يا عمرو". ثم تعرف على علاء وهبة الشاذلى المنتج الذى اتفق معه على أن يصبح اجره عن الألبوم 15 ألف جنيه لتظهر مفاجأة فى أغانيه بدأها فى البوم " مبتهددش" و "مابتقدرش" بأغنيات "بكره إسرائيل" و " قتلونى يابا" عن الشهيد الطفل محمد الدرة وبعدها بدا سيل التعاقدات على أعمال فنية ينهال عليه وكان أخرها فيلم " مواطن ومخبر وحرامى" مع داود عبد السيد ومسرحية "دو رى مى فاصوليا" مع سمير غانم. "إيه موضوع الحراسة عليك ؟! "يا أستاذ الحارس ربنا حراسة إيه وتشديد حراسة إيه أنا لما كنت بغنى بكره إسرائيل مكنتش خايف وهفضل أغنيها وأنا مش خايف علشان أنا فعلاً بكره إسرائيل وعمايلها السودة فى الفلسطينين ولاد البلد المجدع وبعدين حتى لو عملوا فيا حاجة هو أنا أحسن من اللى بيقتلوهم كل يوم زائد أن مفيش أصلاً حراسة عليا علشان تزيد وكمان معنديش " بونى جاردن" زى باقى الفنانين أصحابى إنما أنا راجل من الشعب والشعب بيحبنى وربنا يحمينى .
وليه افتكرت أن الاسرائلين عايزين يقتلوك؟! "علشان الأغانى اللى أنا غنتها عنيهم وعلشان أنا بينى وبين شارون بتاعهم تتش من زمان وعلشان غنيت لعمرو موسى وهما بيكرهوه وغنيت لمحمد الدرة وهما اللى قتلوه . وهغنى عن شارون وأعماله. "وإيه حكاية التتش اللى بينك وبين شارون! "شارون ده مش عايز يسكت إلا ما يولعها نار ولحد النهارده هو مش فاهم هو بيعمل إيه علشان كده لازم حد يوقفوا ويقوله وأنا مغنى فى أغانى جاية علشان يسمع ويفهم ويبطل بلطجة علشان أنا عارف انهم بيسمعوا شرايطى كلها. "نسيب السياسة وخلينا فى الفن اختيار داود عبد السيد لك فى فيلمه "مواطن ومخبر وحرامى" غير موفق تماما وكاد أن يكون السبب فى سقوط الفن لأنك مابتعرفش تمثل ده كلام النقاد ردك إيه؟! "يا أستاذ أنت مفكر أن التمثيل اصعب من الغنا اللى يقولك كده مبيعرفش حاجة وجائز اللى قالوا الكلام ده مش فاهمين دورى فى الفيلم أنا مش حرامى بجد بيسرق حاجات لا .. الموضوع رواية باسرقها فى الفيلم ولو فهموا الفيلم ماكنوش قالوا كده وعشان أغيظ دول واللى ذيهم أنا شغال فى 3 أفلام مع علاء الخواجة وحسين القلا وإسعاد يونس. "لما أنت بتعرف تمثل ليه كل ليلة على المسرح فى مسرحيتك " دو رى مى فاصوليا" مع سمير غانم بتقول للجمهور أنا مش جاى أمثل أنا جاى اغنى أنا مغنى بس وتترك الرواية وهات يا غناء !! "إحنا اتفقنا على كده من الأول أنا وسمير غانم أنا اغنى وهو يمثل معرفش بقى اللى محضروش الاتفاق معترضين على إيه وبعدين هو أنا مش مطرب ولا إيه. "أليس صحيح أن المصنفات الفنية طلبت عدم ذكر اسمك كمطرب فى الإذاعة والتليفزيون وعلى شرائط الكاسيت وتحويلها إلى مونولوجست !! "محصلش أى حاجة من ديه .. محدش جيه ناحيتى ولا مصنفات ولا غيره وبعدين ديه ناس شايفة شغلها كويس ليه عايزين تفسدوهم . وبعدين كلامى ده هو الصح. "وإيه حكاية الإعلانات معاك!! "أنا مطرب شعبى وكانوا عايزين إعلان للطعمية وهى أكلة شعبية وعلشان كده فالموضوع شعبى فى شعبى غنيت للطعمية فى الإعلان وبعدين الفكرة كويسة والعيال بيتبسطوا لما يشفونى طالع فى الإعلانات وشيفينوه فى التليفزيون. "وإيه موضوع الشائعات معاك !! "والله يا أستاذ أنا بيجى عليا أوقات بقول يا رتنى ما كنت مغنى ده جوزونى من وفاء عامر وخلوا أم العيال تغضب وروحت البلد والعمدة صالحنى عليها . وخلوا العيال بيشربوا بانجو ومخدرات وهما قدام عينى طول ما أنا فى البيت وكمان لما سبت ميت حلفا وكار المكوجية وبقيت أغنى بس وعشان خدت بيت جديد وعربية جديدة قالوا أنه نسى أصله وناسه وأنا يا أستاذ على طول بروح أزور أهل حتتى وأخواتى أنا ماأقدرش أعيش من غيرهم.
موضوع: شعبان عبد الرحيم فى حوار لا ينقصه الصراحه 
26th مايو 2008, 2:45 pm
انجب من أم العيال كما يشير إليها "خميس" و"عبد الرحيم" و"سيد" و"عدوية" . بعد أن ضاق عليه واخواته بيت العائلة فى عزبة بلال . استقر قاسم فى بهتيم وتنقل بين عدد كبير من الغرف لعدم استطاعته سداد الأجرة ثم انتقل إلى ميت حلفا ليعمل فيها بجانب السكن "حداد مسلح" و" صبى نقاش" بالنهار و "مكوجى" بالليل وبدأ يغنى فى أفراح ميت حلفا واشتهر فى هذه الأفراح حتى تبناه أنور العسكرى ودربه على الغناء على طريقة المطرب الشعبى عبده الاسكندرانى . ثم تعرف على الملحن الشعبى وهبه الشاذلى الذى عرفه على سيد عبد اللطيف منتج بولاق الدكرور واتفق على أول البوم وكان من بين شروط الاتفاق تغيير اسم شعبان ليصبح من قاسم إلى شعبان وكان البوم " احمد حلمى أتجوز عايدة" وكان اجره على هذا الألبوم 500 جنيه وتعاقد على ألبومات أخرى وكان اجر شعبان يزيد بمعدل 500 جنيه فى الألبوم عن الذى يسبقه وكان البوم "كداب يا خيشة" ومن اجره فى هذه الألبومات اشترى شعبان قيراط ارض فى ميت حلفا بنى له بيت فى نصفه وزرع ما تبقى.
"علشان الأغانى اللى أنا غنتها عنيهم وعلشان أنا بينى وبين شارون بتاعهم تتش من زمان وعلشان غنيت لعمرو موسى وهما بيكرهوه وغنيت لمحمد الدرة وهما اللى قتلوه . وهغنى عن شارون وأعماله.
